Өскеменде сирек және маңызды минералдар институты құрылуда

Өскеменде сирек және маңызды минералдарды зерттеуге арналған институт құрылып жатыр. Қолданыстағы ғылыми зертханалар негізінде жергілікті мамандар әлемде ең сұранысқа ие сирек және сирек жер металдарын, соның ішінде аккумулятор өндіруге қажет литийді алу технологияларын жетілдіреді. Стратегиялық маңызы бар жоба Бельгиялық ғалымдармен бірлесіп іске асырылады.

Қазақстанда 120-дан астам сирек және сирек жер металдарының кен орындары бар, оның шамамен 40-ы барланған. Геологтардың бағалауынша, 20 жылдан кейін литийге сұраныс ондаған есе өседі. 2025 жылы әлемде электромобильдерді сату 20%-ға артқан, нәтижесінде литий-ионды аккумуляторларға сұраныс 29%-ға өсті.

Шығыс Қазақстан техникалық университетінің VERITAS зертханасының басшысы Ернат Кожахметов Қазақстанның тек шикізат базасы болмай, технологияларды енгізе алатынын айтты. Левендегі тұрақты металдар және минералдар институтының профессоры Барт Бланпайн университеттер ынтымақтастыққа дайын екенін және ғылыми серіктестіктің нәтиже беретініне сенетінін атап өтті. 2018 жылдан бері геологиялық барлауға бюджет қаражатынан 67 миллиард теңгеден астам инвестиция салынған.