Нагоядағы V Азия Пара ойындарының ашылу салтанаты өтті

18 қазанда Жапонияның Нагоя қаласында V Азия Пара ойындарының салтанатты ашылу рәсімі өтті. Төрт жылда бір өтетін ойындарға 45 елден шамамен 4 000 спортшы қатысуда. Қазақстанды 12 спорт түрі бойынша 150 спортшы қорғайды. Рәсім Нагоядағы «Мидзухо» жеңіл атлетика стадионында өтті, қатысушы елдердің ұлттық құрамалары шеру жасады.

Қазақстанның Мемлекеттік туын Парижде өткен XVII жазғы Паралимпиада ойындарының қола жүлдегері, 2023 жылғы Ханчжоу Азия Пара ойындарының чемпионы Дастан Мұқашбеков пен пара дзюдодан әлем чемпионаттарының бірнеше дүркін жүлдегері Аяла Мереке алып шықты. Дастан Мұқашбеков мұны үлкен мәртебе деп атады.

Ойындардың негізгі шығармашылық тұжырымдамасы WABI — We Are Beautiful Individuals деп аталды. Қазақстан IV Азия Пара ойындарына 131 спортшымен қатысқан еді. Жарыстар 24 қазанға дейін Аичи префектурасы мен Нагоядағы спорт нысандарында өтеді. Қазақстанда жарыстарды Qazsport телеарнасынан тамашалауға болады.