Қырғызстанда «ақылды» есептегіштер саны 1 млн 680 мыңнан асты

Қырғызстанда электр энергиясын автоматты түрде есепке алатын «ақылды» есептегіштердің саны 1 млн 680 мың 800-ден асты. Бұл туралы энергетика министрі Алтынбек Рысбеков Жоғарғы Кеңестің Өнеркәсіп саясаты, көлік, отын-энергетикалық кешен, сәулет және құрылыс жөніндегі комитетінің отырысында күз-қыс кезеңіне дайындық туралы ақпарат беріп жатып мәлімдеді.

Министрдің айтуынша, 2025 жылы 500 мың «ақылды» есептегіш орнатылған. 2026 жылы үнемделген қаражат есебінен қосымша 390 мың есептегішті орнату көзделген, жыл соңына дейін толық аяқталады.

2027 жылы Еуропалық қайта құру және даму банкінің (ЕҚҚДБ) қаржыландыруымен 280 мың, ал KETER жобасы аясында 125 мың есептегіш орнату жоспарланған. Министрлік мәліметіне сәйкес, 2027 жылдың соңына дейін ел бойынша электр энергиясын автоматты түрде есепке алу жүйесін (АСКУЭ) орнату жұмыстарын толық аяқтау көзделіп отыр.