Бозұмбаев ғимараттардың сейсмотұрақтылығын тексеріп, цифрлық база құруды тапсырды

Вице-премьер Қанат Бозұмбаев елде ғимараттардың сейсмотұрақтылығын бақылауды күшейтуді, қауіпті аудандардағы нысандарды тексеруді және сейсмикалық тәуекелдердің цифрлық базасын құруды тапсырды. Бұл туралы Төтенше жағдайлардың алдын алу комитеті хабарлады. Елдің аумағының шамамен 40%-ы сейсмикалық қауіпті аудандарда орналасқан. Сондай-ақ тектоникалық жарылым аймақтарында және тау етегі аудандарында құрылысқа тыйым салу қажеттілігі атап өтілді.

Жұмыс сапарында Бозұмбаев «Алатау» Оңтүстік жедел базасы мен №21 өрт бөлімшесінің дайындығын тексерді. Келесі жылы барлық күш пен құралды тартып, ауқымды қолбасшылық-штаб жаттығуларын өткізуге шақырды. Алматыда 109 байланыс орталығын және №105 мектеп-гимназия жанындағы зардап шеккендерді қабылдау пунктін аралады.

Жылдың басынан бері Қазақстанда мыңнан астам жер сілкінісі тіркелді, олардың сегізі екіден төрт балға дейін сезілді. Министрлікке «Mass Alert» жүйесін аяқтау тапсырылды, ал Ұлттық сейсмологиялық бақылау ғылыми орталығы базасында қазақстан-қытай бірлескен орталығын құру жоспарлануда.