Қазақстан семсерлесуде тұңғыш рет FIE әлемдік рейтингінде бірінші орынға шықты

Қазақстан ерлер сапы құрамасы отандық семсерлесу тарихында тұңғыш рет Халықаралық семсерлесу федерациясының (FIE) әлемдік рейтингінде бірінші орынға көтерілді. Egemen.kz хабарлағандай, бұл тарихи жетістік соңғы 12 ай ішіндегі ірі халықаралық жарыстардағы жеңістер сериясының нәтижесі.

Шешуші қадам 2026/27 жылғы маусымның басында Марокконың Касабланка қаласында өткен әлем кубогы кезеңінде алтын медаль жеңіп алу арқылы жасалды. Бұған дейін команда 2025 жылдың қарашасында Сауд Арабиясының Ар-Рияд қаласындағы Ислам ынтымақтастығы ойындарында, 2026 жылдың маусымында Үндістанның Нью-Делиде Азия чемпионы атанып, шілдеде Гонконгта әлем чемпионатының алтынын еншілеген.

Касабланкада команда финалда Ресейді 45:40 есебімен жеңді. Қазақстан семсерлесу федерациясының президенті Мирбулат Абуов команданы құттықтап, жаңартылған құрамда өнер көрсеткен жас спортшылардың рөлін ерекше атап өтті. Бұған дейін Азия елдерінен тек Жапония мен Оңтүстік Корея ғана бірінші орынға көтерілген болатын.