Әзірбайжан мен Өзбекстанда өтетін ФИФА U-20 әлем чемпионатының мерзімі жарияланды

Әзірбайжан мен Өзбекстан бірлесіп өткізетін ФИФА U-20 әлем чемпионатының мерзімі ФИФА Кеңесі Бюросының отырысында ресми түрде жарияланды. Modern.az Әзірбайжан футбол федерациясына (AFFA) сілтеме жасап хабар таратты. Жарыс 2027 жылдың 17 қыркүйегінен 9 қазанына дейін өтеді және оған 24 команда қатысады.

Турнирдің ресми бренди 16 қазанда таныстырылды. Жас футболшыларға және оларды қолдайтын жанкүйерлерге арналған «Bu oyun sənlikdir» («Бұл ойын сенікі») ұраны футбол жұлдыздарының жаңа буынын тарих жазуға шақырады.

ФИФА U-20 әлем чемпионаты 2027-нің ресми бренди Бакудағы символдық орындардың бірі Қыз Құласында және Баку Олимпиада стадионында арнайы проекция арқылы көрсетілді.