Өзбекстан Президенті Марко Рубио мен Серджио Горға мемлекеттік наградаларды тапсырды

Өзбекстан Президенті Шәукат Мирзиёев АҚШ Мемлекеттік хатшысы Марко Рубио мен АҚШ Президентінің Оңтүстік және Орталық Азия жөніндегі арнайы өкілі Серджио Горға мемлекеттік наградаларды тапсырды.

Марко Рубио «Буюк хизматлари учун» ордені мен марапатталды. Мемлекет басшысы оның өзбек-америка стратегиялық серіктестігін дамытуға жеке үлесін, саяси-дипломатиялық, сауда-экономикалық және мәдени-гуманитарлық байланыстарды кеңейтуге қосқан үлесін, сондай-ақ Орталық Азияда бейбітшілік, тұрақтылық және тұрақты дамуды нығайту бойынша күш-жігерді қолдауын атап өтті. Сондай-ақ Жаңа Өзбекстанның халықаралық бастамаларын алға жылжытуға көмегі ерекше атап өтілді.

Серджио Горға «Достық» ордені берілді. Мемлекет басшысы оның Өзбекстан мен АҚШ арасындағы достық қатынастарды нығайтуға және стратегиялық серіктестікті кеңейтуге қосқан үлесін, саяси диалогты белсендендіруге, екіжақты келісімдерді іске асыруға, америкалық инвесторларды тартуға және бірлескен жобаларды алға жылжытуға бағытталған күш-жігерін, сондай-ақ Америка-Өзбекстан іскерлік және инвестициялық кеңесі аясындағы ынтымақтастыққа қосқан үлесін атап өтті.