Қырғызстанда Даун синдромы бар балаларға 18 жасқа дейін мүгедектік белгіленеді

Қырғызстанда Даун синдромы бар балаларға медициналық-әлеуметтік сараптаманың алғашқы тексеруі кезінде, қайта куәландыру мерзімі көрсетілмей, 18 жасқа дейін мүгедектік санаты белгіленеді. Бұл туралы Еңбек, әлеуметтік қамсыздандыру және көші-қон министрлігінің өкілдері баспасөз конференциясында мәлім етті.

Өзгерістер аутистік спектр бұзылысы (АСБ) бар балаларға да қатысты. Жеңіл дәрежедегі АСБ бар адамдарға мүгедектік бес жылға белгіленеді. Ауыр дәрежедегі АСБ бар балаларға алғашқы куәландыру кезінде мүгедектік санаты 18 жасқа дейін, қайта куәландырусыз белгіленеді.

Кәмелетке толғаннан кейін мұндай азаматтарға сәйкес мүгедектік тобы мерзімсіз белгіленеді. Министрлік балалардың жекелеген санаттары бойынша қайта куәландыру тәртібі МСЭК жүйесін реформалау аясында қайта қаралғанын атап өтті.