Қырғызстан энергетикалық тапшылықты жоюға бағыт алды

Қырғызстан жақын арада энергетикалық тапшылықты жоюға қол жеткізеді. Бұл туралы 2026 жылдың 21 қазанында Бішкекте өткен республикалық кеңесте Президент Садыр Жапаров мәлімдеді.

Мемлекет басшысының айтуынша, энергетикалық қауіпсіздікті қамтамасыз ету үшін электр желілері мен инфрақұрылым жаңғыртылып, өндіруші қуаттар көбейтіледі. Бұл бағытта Қамбар-Ата-1 ГЭС, Қара-Кече ЖЭС және шағын мен орта ГЭС-терді салу сияқты жобалар іске асырылады.

Сонымен қатар мұнай өнімдерін импорттаудың тұрақтылығы қамтамасыз етіліп, елде жанар-жағармай материалдарын өндіруді жолға қою жұмыстары жүргізіледі. Президенттің айтуынша, басты мақсат — сыртқы тәуекелдерге тәуелділікті азайту және елді электр энергиясымен және отынмен үздіксіз қамтамасыз ету.