Бахчели Түркия мен Ливия арасындағы меморандумның бекітілуіне пікір білдірді

МХП төрағасы Девлет Бахчели Түркия мен Ливия арасындағы теңіз аумақтарын шектеу меморандумының Ливия Өкілдер палатасы бекіткеніне байланысты жазбаша мәлімдеме жасады. Бахчели 2019 жылы қол қойылып, күшіне енген меморандумның кеше бекітілуімен жаңа кезеңге өтгенін атап өтті.

Бахчелидің пайымдауынша, шешім қолданыстағы меморандумның құқықтық және саяси негізін нығайтып, Түркияның Шығыс Жерорта теңізіндегі мүдделерінің негізін күшейтеді. Ол меморандумның Жерорта теңізіндегі тыныштық пен тұрақтылыққа, аймақтың қауіпсіздігіне және Еуропаның энергия жеткізу желілерінің қауіпсіздігіне үлес қоса алатынын айтты.

1911 жылы Триполиде отанының топырағын қорғау үшін теңізден асып барып күрес жүргізуге мәжбүр болған Түркияны еске салған Бахчели, бүгінгі Түркияның Жерорта теңізінде әскери кемелермен көрініс беретінін айтты. Оның сөзінше: «Тарих өзгерді, жағдай өзгерді, Түркия күшейді». Ол «Мави Ватан» доктринасының халықаралық құқыққа негізделген заңды құқықтар мен мүдделер аясында дамып жатқанын атап өтті.