Қазақстанда мерзімді әскери қызмет екі кезеңге бөлінеді

Қазақстанда Әскери реформа жоспары мақұлданды. Жоспарда Беспилоттық күштерді құру және мерзімді әскери қызметтің екі кезеңді моделіне көшу көзделген. Соған сәйкес жаңа жауынгерлер алғашқы алты айын оқу орталықтарында, келесі алты айын әскери бөлімдерде өткізеді. Жоспар Мемлекет басшысы Қасым-Жомарт Тоқаевтың төрағалығымен өткен Қауіпсіздік кеңесінің отырысында қаралды. Бұл туралы Ақорда хабарлады.

Тоқаев қысқа мерзімде заманауи, мобильді және технологиялық армия құру қажеттігін атап өтті. Қауіпсіздік кеңесі төрағасының орынбасары Аида Балаева жоспардың негізгі ережелерін ұсынды. Жоспар аясында әскери кеңесшілер институтын және Әскери қызметшілер мәселелері жөніндегі уәкілді құру, заңсыз қарым-қатынастардың алдын алу және тәртіпті нығайту көзделген.

Қорғаныс министрі Айдос Мырзахметов жоспардың ұйымдастырушылық шараларын 2026 жылдың соңына дейін, негізгі тұжырымдамалық шараларды 2027 жылы жүзеге асыру керектігін хабарлады. Токаев Қорғаныс министрлігіндегі жағдайды кешенді тексеретін комиссияның жұмысын жыл соңына дейін аяқтауды тапсырды. Реформа Маңғыстау облысындағы жаттығуда 14 әскери қызметшінің қаза болуынан кейін басталды.