Өзбекстанда жаңа өзбек алфавиті: өзгертілген 4 әріп

Өзбекстан Ғылым академиясында 2026 жылдың 21 қазанында қабылданған «Латын жазуына негізделген өзбек алфавитін енгізу туралы» Заңға өзгерістер енгізу туралы ЎРҚ-1184 нөмірлі Заңның мазмұнына арналған баспасөз конференциясы өтті. Іс-шараға академияның өзбек тілі, әдебиеті және фольклоры институтының ғалымдары, жетекші тілтанушылар және БАҚ өкілдері қатысты.

Баспасөз конференциясында жаңа Заңның ұлттық алфавитті жетілдіруге, емлесіндегі белгісіздік пен техникалық күрделіліктерді жоюға және өзбек тілінің сандық технологиялар мен компьютерлік бағдарламаларға бейімделуін жеңілдетуге бағытталғаны атап өтілді. Институт директоры Мақсуд Асадов: «Бәлкім 10 жылдан, бәлкім 15 жылдан кейін біздің құжаттарымыздың біреуін ауыстыру мерзімі келеді. Құжатты ауыстыру мерзімі келмейінше, оны қайта жасау міндеті жоқ. Ешбір құжатта міндетті түрде өзгерістер болмайды», - деді.

Мамандар жаңартылған алфавитке көшудің кезең-кезеңімен және азаматтар үшін ыңғайлы түрде жүзеге асырылатынын айтты.