Özbəkistanda yeni özbək əlifbası: dəyişdirilən 4 hərf

Özbəkistan Elmlər Akademiyasında 2026-cı il oktyabrın 21-də qəbul edilmiş „Latın yazısına əsaslanan özbək əlifbasının tətbiqi haqqında” Qanuna dəyişiklik edilməsi barədə O‘RQ-1184 nömrəli Qanunun məzmununa həsr olunmuş mətbuat konfransı keçirilib. Tədbirdə Akademiyanın Özbək dili, ədəbiyyatı və folklor İnstitutunun alimləri, aparıcı dilçilər və KİV nümayəndələri iştirak edib.

Mətbuat konfransında bildirilib ki, yeni Qanun milli əlifbanın təkmilləşdirilməsinə, orfoqrafiyadakı qeyri-dəqiqliklərin və texniki çətinliklərin aradan qaldırılmasına, habelə özbək dilinin rəqəmsal texnologiyalara və kompüter proqramlarına uyğunlaşmasının asanlaşdırılmasına yönəlib. İnstitutun direktoru Maqsud Asadov deyib: „Bəlkə 10, bəlkə 15 ildən sonra sənədlərimizdən birini dəyişmək vaxtı gələcək. Sənədin dəyişdirilmə müddəti gəlməyincə, onu yenidən hazırlamaq öhdəliyi yoxdur. Heç bir sənəddə məcburi dəyişiklik olmayacaq.”

Ekspertlər yeni əlifbaya keçidin mərhələli şəkildə və vətəndaşlar üçün əlverişli formada həyata keçiriləcəyini bildiriblər.