Өзбекстанда мектеп директорларын министрлік келісімінсіз жиналысқа шақыруға тыйым салынады

Өзбекстанның Бірінші вице-премьер-министрі, Білім және ғылым министрі Еркінжон Тұрдимов мектеп директорларын хокимияттарға қоса алғанда, министрлікпен келіспей жиналысқа шақыруға тыйым салынатынын мәлімдеді. Ол бұл туралы Самарқандта білім беру саласының өкілдерімен кездесуде айтты. Мәліметті «Samarqand live» Telegram арнасы таратты.

Министрдің айтуынша, білім беру мекемелерінің басшылары көптеген жиналысқа уақыт жоғалтпай, өз міндеттеріне назар аударуы тиіс. Мектеп білім беруімен, балабақша тәрбиемен айналысуы керек. Тұрдимов хокимиятта жұмыс істеген кезде бір басшыға жиналысқа бармауға бірнеше рет тыйым салғанын, бірақ ол басқа лауазымды тұлғалардың нұсқауына сілтеме жасап, бара беретінін айтты. Тыйым мектеп басшыларын кім шақырғанына қарамастан орындалуы керек.

Тұрдимов сонымен қатар жеке мектептер мен балабақшаларды ашу кезінде министрліктің лицензиялауын алып тастау қажеттігін айтты. Санитарлық, құрылыс, өрт және басқа органдар рұқсат берген нысанға неге министрліктің лицензия беретінін сұрады. Ол білім беру ұйымдарының өтініштеріне арналған бөлек электронды платформа іске қосуды жоспарлап отырғанын мәлімдеді.