Өзбекстанда 2028 жылдан бастап барлық өңірлерде қатерлі ісік скринингі басталады

Өзбекстанда 2028 жылдан бастап барлық өңірлерде асқазан, жуан ішек, простата безі және өкпе қатерлі ісіктерін ерте анықтау скринингі басталады. Бағдарламаны жүзеге асыруға жыл сайын 700 миллиард сум бөлінеді. Бұл туралы Президент Шауқат Мирзиёев денсаулық сақтау және фармацевтика саласының қызметкерлерімен кездесуде мәлімдеді.

Бағдарлама алдымен Самарқанд облысында басталып, кейін ел бойынша таратылады. Сонымен қатар диабетті, туберкулезді, жүрек-қан тамыр ауруларын, әйелдердегі ісіктерді және балалардағы онкогематологиялық ауруларды ерте анықтау бағдарламалары жалғасады.

Андижан, Ферғана, Наманған, Самарқанд облыстарында және Ташкентте жүзеге асырылып жатқан инфаркт пен инсультті ерте анықтау және емдеу бағдарламасы бес айда өлім-жітімді 15%-ға азайтты. «Алтын сағат» кезеңінде 855 адам мерзімінен бұрын өлімнен және мүгедектіктен сақталды. Келесі жылы бұл бағдарламаға 280 миллиард сум бөлініп, барлық аудан мен қалаға таратылады. Сондай-ақ тегін дәрі-дәрмектер 73 атауға, медициналық тексерулер 36 түрге дейін көбейтіледі.