Тоқаев: Үкімет салық заңнамасына нақты өзгерістер пакетін әзірлеуі қажет

Мемлекет басшысы Қасым-Жомарт Тоқаев Қазақстан халқына Жолдауында салық саясатын жетілдіру туралы айтты, деп хабарлайды Egemen.kz. Оның сөзінше, жаңа Салық кодексі бүкіл жүйені кешенді түрде жаңғыртуға негіз қалады. Алайда реформа барысында кейбір мәселелерді алдын ала болжау қиын, сондықтан бизнес кейбір нормаларды қолдануда қиындыққа тап болып отыр.

Тоқаев Салық кодексі өзгермейтін қағида да, қасиетті кітап та емес екенін, ол өмір шындығынан алшақ болмауы керектігін айтты. Үкімет кәсіпкерлердің пікіріне құлақ асып, салық заңнамасына енгізілетін нақты әрі нысаналы өзгерістер пакетін әзірлеуі қажет деп тапсырды. Салық жүйесі бизнестің дамуға деген ынтасын жоймауға, инвестиция тартуға және жұмыс орындарын ашуға кедергі келтірмеуге тиіс.

Әділеттілік мәселесінде Тоқаев ірі байлық иелері үшін жоғары мөлшерлемедегі салық енгізуді талқылау уақыты келгенін атап өтті. Заңды жолмен жинаған мүлікке ешқандай шектеу қойылмайтынын айтты. Сонымен бірге салық жүйесін толық цифрландыру, жасанды интеллектіні қоса алғанда озық технологияларды пайдалану қажеттігін атап көрсетті. Бұған дейін ол Үкіметке ең төменгі жалақыны 85 мыңнан 110 мың теңгеге дейін көтеруді тапсырған.