Пашинян: Әзірбайжанмен бейбітшілікке балама жоқ, мақсат — 400 жыл немесе одан ұзақ

Армения премьер-министрі Никол Пашинян Әзірбайжанмен бейбітшілікке балама жоқ екенін мәлімдеп, оны институционалдық деңгейде нығайтудың маңыздылығын атап өтті. News-Armenia хабарлауынша, ол үкімет басшысы ретіндегі басты басымдығы қайтарылмас және ұзақ мерзімді бейбітшілікті қамтамасыз ету екенін айтты.

Пашинян Әзірбайжанмен бейбіт келісімге қол қойылып, ратификациялануы тиіс екенін атап өтті. Премьер-министр жаһандық оқиғалар аясында ұзақ мерзімді бейбітшілікті қамтамасыз етудің маңыздылығына назар аударды.

«Әлемде болып жатқанды қарасақ, әлемдік тәртіптің шын мәнінде құлап жатқанын түсінеміз. Бақытымызға орай, осы кезеңде бейбітшілікке қол жеткізе алдық. Алайда біздің міндетіміз — екі жылдық бейбітшілікті 20 жылға, бір жылды 200 жылға, ал 200 жылды 400 жылға немесе одан да ұзаққа айналдыру», — деді Армения премьер-министрі.