Paşinyan: Azərbaycanla sülhə alternativ yoxdur, hədəf 400 il və ya daha uzun

Ermənistan Baş naziri Nikol Paşinyan Azərbaycanla sülhə alternativ olmadığını bildirib və bu sülhün institusional səviyyədə möhkəmləndirilməsinin vacibliyini vurğulayıb. News-Armenia-nın məlumatına görə, Paşinyan hökumət başçısı kimi əsas prioritetinin geri dönməz və uzunmüddətli sülhü təmin etmək olduğunu deyib.

Paşinyan Azərbaycanla sülh sazişinin imzalanması və ratifikasiya edilməsi lazım olduğunu qeyd edib. O, qlobal inkişafların fonunda uzunmüddətli sülhün təmin edilməsinin əhəmiyyətinə diqqət çəkib.

Baş nazir deyib: “Dünyada baş verənlərə baxanda başa düşürük ki, dünya nizamı əslində çökməkdədir. Xoşbəxtlikdən, bu dövrdə sülhə nail ola bildik. Lakin bizim vəzifəmiz iki illik sülhü 20 ilə, bir ili 200 ilə, 200 ili isə 400 ilə və ya daha uzun müddətə çevirməkdir.”