Христодулидис пен Ерхүрман қараша айында Анталиядағы COP31 саммитіне қатысады

Грек киприоттар әкімшілігінің басшысы Никос Христодулидис Біріккен Ұлттар Ұйымы қараша айында Анталияда өткізетін COP 31 климаттық саммитіне қатысатынын жариялады. Fileleftheros газетінің хабарлауынша, Христодулидис саммитке қатысатын-қатыспайтыны туралы сұраққа «Әрине, қатысамын» деп жауап берген. Ол мұны Кипр мәселесі бойынша хабарлар беретін оқиға деп бағалап, кез келген жағдайға дайын екендіктерін айтқан.

КТРК президенті Тұфан Ерхүрман жазбаша мәлімдемесінде 14 шілдеде Түркия президенті Режеп Тайып Ердоғаннан шақыру алғанын және көрсетілген күндері Анталияда болатынын хабарлаған. Ол Христодулидистің де саммитке қатысатынын баспасөзден білгенін айтқан.

Анталиядағы жиын 9 қарашада басталып, 20 қарашаға дейін жалғасады деп жоспарланған. Ерхүрман: «Біз әрдайым айтып келгеніміздей, дипломатия мен диалог әрқашан жақсы», деді.