Мирзиёев Әлиевке Түркі мемлекеттер ұйымын нығайтқаны үшін алғыс айтты

Өзбекстан Президенті Шавкат Мирзиёев Әзірбайжан Президенті Ильхам Әлиевтің Түркі мемлекеттер ұйымының (ТМҰ) дамуындағы рөлін атап өтті. Report хабарлауынша, ол бұл туралы Анкарада өткен ТМҰ-ның 13-ші саммитіндегі сөзінде мәлімдеген.

Мирзиёев Әзірбайжанның ұйымға төрағалық еткен кезеңінде түркі халықтарының бауырлас байланыстарын нығайту және қатынастарды жаңа деңгейге көтеру бағытында атқарған маңызды жұмыстары үшін Әлиевке терең алғысын білдірді. Ол сондай-ақ Өзбекстанның ұйымның келесі саммитін өткізуге дайын екенін айтты.

Президент саммит қатысушыларына Өзбекстан өкілі Мирвохид Әзімовтің ТМҰ Бас хатшысы лауазымына үміткерлігін қолдағаны үшін алғыс айтты. «Сенімдімін, жаңа Бас хатшы ТМҰ-ның басым міндеттерін жүзеге асыруға және ынтымақтастығымыздың болашақ дамуына лайықты үлес қосады», — деп қосты ол.