Әзірбайжан Феридун Синирлиоглудың БҰҰ Бас хатшысы лауазымына үміткерлігін қолдайды

Әзірбайжанның Сыртқы істер министрлігі қазіргі уақытта ЕҚЫҰ Бас хатшысы болып табылатын елші Феридун Синирлиоглудың БҰҰ Бас хатшысы лауазымына үміткерлігін ұсыну бастамасын қолдайтынын мәлімдеді.

Министрлік Бас хатшыны сайлау процесінің маңыздылығын тағы да атап өтті. Оның үміткерлердің кәсіби қасиеттеріне, халықаралық және дипломатиялық тәжірибесіне, бейтараптығына және мүше мемлекеттер арасында консенсус қалыптастыру қабілетіне негізделуі керектігін, сондай-ақ БҰҰ Жарғысының принциптері мен мақсаттарының басшылыққа алынуы тиіс екенін жеткізді.

Министрлік жалғасып жатқан кеңестер мен мүше мемлекеттер арасындағы конструктивті диалог нәтижесінде БҰҰ-ның қазіргі жаһандық сын-қатерлерге тиімдірек жауап беру мүмкіндіктерін күшейтетін тиісті шешім қабылданатынына сенетінін айтты.