Қасымалиев: Қырғызстанда соңғы жылдары полиция қызметкерлерінің жалақысы екі есеге өсті

Қырғызстан Министрлер кабинетінің төрағасы Адылбек Қасымалиев полиция қызметкерлерін кәсіби мерекесімен құттықтады. Құттықтауында ол ішкі істер органдарының қызметкерлері мен ардагерлеріне алғыс білдіріп, қоғамдық тәртіпті қамтамасыз етудегі, қылмыспен және сыбайлас жемқорлықпен күрестегі жұмыстарын атап өтті.

Оның айтуынша, соңғы жылдары полиция қызметкерлерінің жалақысы екі есеге, ал Баткен облысындағы қызметкерлердікі төрт есеге өсті. 2021-2026 жылдар аралығында 724 полиция қызметкері баспанамен қамтамасыз етілді. Соңғы төрт жылда министрліктің автопаркі 95 пайызға жаңартылып, 200-ден астам объект салынды.

Сондай-ақ 10 мыңнан астам бейнекамера орнатылып, көшпелі қабылдау пункттері мен санариптік сараптама орталықтары іске қосылғаны айтылды. Қасымалиевтің мәліметінше, бұрынғы жылдармен салыстырғанда қылмыстардың тіркелуі 78 пайызға, өрескел тәртіп бұзушылықтар 69 пайызға азайған.