Тоқаев: «Халықтық құрылыс» бүкіл елге таралады

Қазақстан Президенті Қасым-Жомарт Тоқаев Қарағанды облысының Теміртау қаласына жұмыс сапарымен барып, AO Qarmet ұжымы мен кәсіподақ мүшелерімен кездесті. Мемлекет басшысы өңірдің экономикалық дамуын атап өтіп, ауыр өнеркәсіп кәсіпорындарының 4,2 триллион теңгеге өнім шығарғанын айтты. Оның айтуынша, биыл Қазақстан ІЖӨ-сі 398 миллиард доллар болмақ, бұл Орталық Азиядағы ең жоғары көрсеткіш.

Тоқаев Qarmet компаниясы өткен жылы бірнеше миллиард шығыннан кейін 1,1 триллион теңге табыспен таза пайдаға шыққанын жеткізді. 2028 жылға дейін 3,5 миллиард долларлық жаңғырту бағдарламасы жүзеге асырылады. Президент компания өз есебінен Теміртаудағы трамвай қозғалысын толық қалпына келтіргенін және «Болашаққа жол» бағдарламасы алғашқы кезеңде шамамен 500 жас маманды қамтитынын атап өтті.

Тоқаев 2027 жылды «Халықтық құрылыс жылы» деп жариялағанын және 2029 жылдың соңына дейін жобаға шамамен 6,5 триллион теңге бөлінетінін еске салды. Оның айтуынша, «Халықтық құрылыс» елдегі барлық қала мен ауданды қамтиды. Мемлекет басшысы Qarmet компаниясының бұл жобада маңызды рөл атқаратынына сенім білдірді.