Tokayev: “Xalq tikintisi” bütün ölkəyə yayılacaq

Qazaxıstan Prezidenti Qasım-Comart Tokayev iş səfəri çərçivəsində Qaraqanda vilayətinin Temirtau şəhərində AO Qarmet işçiləri və həmkarlar ittifaqı üzvləri ilə görüşüb. Tokayev regionun iqtisadi inkişafını vurğulayaraq ağır sənaye müəssisələrinin 4,2 trilyon tenge dəyərində məhsul istehsal etdiyini bildirib. O, ölkənin bu il ümumi daxili məhsulunun 398 milyard dollara çatacağını və bunun Mərkəzi Asiyada ən yüksək göstərici olacağını söyləyib.

Tokayev Qarmet şirkətinin çoxmilyardlıq zərərdən sonra keçən il 1,1 trilyon tenge gəlirlə xalis mənfəətə çıxdığını açıqlayıb. Onun sözlərinə görə, 2028-ci ilədək 3,5 milyard dollarlıq modernləşdirmə proqramı həyata keçiriləcək. Şirkətin öz hesabına bərpa etdiyi tramvay xəttinə toxunan Tokayev, gənclər üçün “Gələcəyə yol” proqramının ilk mərhələdə təxminən 500 nəfəri əhatə edəcəyini deyib.

Tokayev 2027-ci ilin “Xalq tikintisi ili” elan edildiyini və 2029-cu ilin sonunadək təxminən 6,5 trilyon tenge ayrılacağını xatırladıb. Layihənin bütün şəhər və rayonları əhatə edəcəyini bildirən Tokayev, Qarmet şirkətinin bu işdə rolunun böyük olacağını vurğulayıb.