Кыргызстанда унаанын алдыңкы терезелерин тонировкалоо жыйымы убактылуу арзандады

Кыргызстанда 2026-жылдын 5-ноябрынан тартып автоунаалардын алдыңкы каптал айнектерин караңгылатууга (тонировка) уруксат алуу үчүн төлөнүүчү жыйымдын өлчөмү убактылуу төмөндөтүлдү. Тиешелүү токтомго министрлер кабинетинин төрагасы Адылбек Касымалиев кол койду.

Резидент жеке жактар үчүн төлөм 50 миң сомдон 25 миң сомго чейин арзандады. Жеңилдетилген тарифтер 2026-жылдын 5-декабрына чейин күчүндө болот. Жеңилдик берилген мезгилде жеке жактар үчүн 25 миң сом (буга чейин 50 миң сом), юридикалык жактар үчүн 50 миң сом (буга чейин 70 миң сом), резидент эмес жактар үчүн 70 миң сом (буга чейин 90 миң сом) белгиленди.

Электромобилдер үчүн төлөмдүн өлчөмү ээсинин категориясына жараша өзүнчө белгиленет. Уруксат бир жылдык мөөнөткө берилет.