Qırğızıstanda avtomobil ön yan şüşələrinin tonlanması üzrə icazə haqqı endirildi

Qırğızıstanda 5 noyabr 2026-cı ildən etibarən avtomobillərin ön yan şüşələrinin tonlanması (tonirovka) üçün icazə almaq haqqı müvəqqəti olaraq azaldılıb. Müvafiq qərarı Nazirlər Kabinetinin sədri Adılbek Kasımaliyev imzalayıb.

Rezident fiziki şəxslər üçün ödəniş 50 min somdan 25 min somadək ucuzlaşdırılıb. Güzəştli tariflər 5 dekabr 2026-cı ilədək qüvvədə olacaq. Bu dövrdə fiziki şəxslər üçün 25 min som (əvvəl 50 min som), hüquqi şəxslər üçün 50 min som (əvvəl 70 min som), rezident olmayanlar üçün 70 min som (əvvəl 90 min som) müəyyən edilib.

Elektromobillər üçün ödəniş məbləği sahibinin kateqoriyasından asılı olaraq ayrıca müəyyənləşdirilib. İcazə bir il müddətinə verilir.