Түндүк Кипрде октябрь айында турмуш кымбаттыгы 1,07 пайыз

Түндүк Кипр Түрк Республикасынын статистика институту октябрь айында турмуш кымбаттыгы индексинин 1,07 пайызга өскөнүн жарыялады. Институттун маалыматтарына ылайык, өзгөрүү өткөн жылдын декабрына карата 29,52 пайыз, өткөн жылдын октябрына карата 34,99 пайыз болгон.

Негизги чыгым топтору боюнча мурунку айга салыштырганда эң жогорку өсүш 14,09 пайыз менен кийим-кече жана бут кийим тобунда катталган. Байланыш 4,20, азык-түлүк жана алкогольсүз ичимдиктер 2,72, транспорт 2,68 пайызга кымбаттаган. Ресторан жана мейманканаларда баа 6 пайызга арзандаган.

Индекске кирген 431 товар түрүнүн орточо баасы көтөрүлүп, 133 товар түрүнүн баасы төмөндөгөн. Эң жогорку өсүш бадыраңга 84,22 пайыз, мектеп кызматынын акысы жана улуттук лотерея билетине 50 пайыз болгон. Эң чоң төмөндөө анарга 58,18, лимонго 40,34 жана салатка 35,31 пайыз менен катталган.