ŞKTR-də oktyabr ayı həyat bahalığı 1,07 faiz oldu

Şimali Kipr Türk Respublikasının Statistika Qurumu oktyabr ayı üzrə həyat bahalığının 1,07 faiz olduğunu açıqlayıb. Qurumun dərc etdiyi məlumatlara görə, dəyişiklik əvvəlki ilin dekabr ayına nisbətən 29,52 faiz, keçən ilin oktyabr ayına nisbətən isə 34,99 faiz olub.

Əsas xərc qrupları üzrə əvvəlki aya nisbətən ən yüksək artış 14,09 faizlə geyim və ayaqqabı qrupunda qeydə alınıb. Rabitədə 4,20, qida və alkoqolsuz içkilərdə 2,72, nəqliyyatda 2,68 faiz artım olub. Restoran və otellərdə isə 6 faiz qiymət düşüşü müşahidə edilib.

İndeksə daxil edilən 431 məhsul növünün orta qiymətlərində artım, 133 məhsul növündə isə azalma baş verib. Ən yüksək artım göstərən mal və xidmətlər arasında xəyar 84,22 faiz, məktəb xidməti haqqı və milli lotereya bileti 50 faiz ilə yer alıb. Ən böyük azalma isə nar 58,18, limon 40,34 və kahı 35,31 faiz ilə qeydə alınıb.