Азербайжанда орточо айлык пенсия 2027-жылы 639 манатка жетет

Азербайжанда 2027-жылы орточо айлык эмгек пенсиясынын 639 манат болоору болжолдонууда. Бул тууралуу Мамлекеттик социалдык коргоо фондунун 2027-жылкы бюджети жөнүндөгү мыйзам долбоорунда айтылат, деп кабарлайт Trend маалымат агенттиги.

Документке ылайык, орточо айлык пенсиянын өлчөмү 2026-жылы күтүлгөн 594,4 маната салыштырганда болжол менен 7,5 пайызга өсөт. Болжолдоолор боюнча, 2027-жылы Азербайжанда эмгек пенсионерлеринин жалпы саны 1 миллион 103,32 миң адамга жетет. Алардын 718,39 миң адамы курагы, 246,28 миң адамы майыптыгы, 138,65 миң адамы болсо асыраган адамынан ажыраганы боюнча пенсия алат.

Документте ошондой эле 2027-жыл боюнча пенсия чыгымдары 8 миллиард 669,43 миллион манат болоору каралганы айтылат.