Өзбекстанда негизги ставка жакынкы үч жылда бир орундуу деңгээлге түшүшү мүмкүн

Өзбекстанда негизги ставка жакынкы үч жылда бир орундуу деңгээлге чейин төмөндөшү мүмкүн. Бул тууралуу Борбордук банктын төрагасынын орун басары Нодирбек Очилов 3-ноябрда негизги ставкага арналган басма сөз жыйынында билдирди. Анын айтымында, 2027–2029-жылдарга арналган акча-кредит саясатынын багыттары бекитилген. Документке ылайык, инфляция максаттуу деңгээлге, ягный 5 пайызга түшкөн учурда негизги ставканы 10 пайыздан төмөндөтүү мүмкүнчүлүгү пайда болот. Учурда бул көрсөткүч 14 пайызды түзөт.

Сентябрда инфляция 6,4 пайызды түздү. Бирок ички суроо-талаптын жогорулугу жана тышкы шарттар менен байланышкан инфляциялык тобокелдиктер сакталып турат. Очилов негизги ставканы 14 пайызда сактоо чечиминин баалардын экинчи даражадагы таасирлеринин кеңейишине жана инфляциялык күтүүлөрдүн күчөшүнө жол бербөөгө кызмат кылаарын белгиледи.

3-ноябрдагы Борбордук банктын башкаруу кеңешинин жыйынында негизги ставканы 14 пайызда сактоо же 13,5 пайызга чейин төмөндөтүү сценарийлери талкууланды. Ставканы 14 пайызда сактоо позициясы көбүрөөк добуш алды. 2026-жылдын январь–сентябрь айларында Өзбекстандын ИДП 8,3 пайызга өстү, ал эми орточо айлык эмгек акы реалдуу эсепте 10,7 пайызга көбөйдү. Жыл жыйынтыгы боюнча реалдуу экономикалык өсүш 8 пайыз тегерегинде болушу күтүлүүдө.