Кыргызстандын мамлекеттик банктери санкциялык тобокелдиги бар 284 компания менен байланышты токтотушту

Кыргызстандын эки мамлекеттик банкы санкциялык тобокелдиги жогору 284 компания менен иш мамилелерин токтотту. Дагы 41 компания текшерүү жана мониторинг баскычында. Бул тууралуу өкмөт 5-ноябрда өткөн ведомстволор аралык жумушчу топтун жыйынынын жыйынтыгы боюнча кабар берди. Жыйынга президенттин санкциялык саясат боюнча атайын өкүлү, экономика жана коммерция министри Бакыт Сыдыков төрагалык кылды.

Катышуучулар санкциялык тобокелдиги жогору юридикалык жактардын текшерүүсүнүн жыйынтыктарын жана тиешелүү тизмени түзүү менен колдонууну талкуулашты. 2026-жылдын 5-ноябры боюнча «АБанк» 115 компания менен мамилесин токтотту, болжол менен 37 уюм мониторингде. «Элдик Банк» 169 компанияга кызмат көрсөтүүнү токтотту, дагы төрт компания текшерилүүдө. Өкмөттүн билдиришинче, санкциялык тобокелдиктин жогорулугу уюмдун мыйзамды бузганын же эл аралык санкциялар тизмесине киргенин билдирбейт.

Жыйында Европа Биримдиги, АКШ жана Улуу Британия сыяктуу эл аралык өнөктөштөр менен кызматташуу маселелери да каралды. Сыдыков санкциялык тобокелдиктерди өз убагында аныктоо жана азайтуу үчүн мамлекеттик органдардын, финансылык жөнгө салуучулардын жана банктардын биргелешкен ишин уланту керектигин баса белгиледи.