Өзбекстанда картошка жана жумуртка кымбаттады, шекер жана мөмөлөр арзандады

Өзбекстандын Улуттук статистика комитетинин маалыматына ылайык, жылдык инфляция 2025-жылдын октябрындагы көрсөткүчтөн 1,3 пайыздык пунктка төмөндөгөн. Октябрь айында азык-түлүк товарлары орточо эсеп менен 1 пайызга, азык-түлүк эмес товарлар 0,2 пайызга, акы төлөнүүчү кызматтар 0,6 пайызга кымбаттаган.

Жумуртка 5,2 пайызга, кой эти 1,4 пайызга, сөөктүү уй эти 1,2 пайызга кымбаттаган, ал эми шекер 2,2 пайызга арзандаган. Жашылчалардан баклажан жана бадыраң 9 пайызга, помидор 8,8 пайызга, картошка 5,3 пайызга кымбаттаган. Лимон 15 пайызга, жүзүм 7,5 пайызга, алма 3 пайызга арзандаган.

Бензин 1 пайызга, пропан 0,4 пайызга кымбаттаган, метандын баасы өзгөргөн эмес. Муздак суу жана канализация кызматтарынын баасы 4,7 пайызга, такси 1,3 пайызга көбөйгөн. Маалыматтар 10 миңден ашык соода жана кызмат көрсөтүү пунктунда катталган 3 миллиондон ашык баага негизделген.