Oʻzbekistonda kartoshka va tuxum qimmatlashdi, shakar va mevalar arzonlashdi

Milliy statistika qoʻmitasining maʼlumotlariga koʻra, yillik inflyatsiya 2025-yil oktyabridagi koʻrsatkichga nisbatan 1,3 foiz punktga pasaygan. Oktyabr davomida oziq-ovqat mahsulotlari oʻrtacha 1 foizga, nooziq-ovqat tovarlari 0,2 foizga, pulli xizmatlar esa 0,6 foizga qimmatlashgan.

Tuxum narxi 5,2 foizga, qoʻy goʻshti 1,4 foizga, suyakli mol goʻshti 1,2 foizga oshgan, shakar esa 2,2 foizga arzonlashgan. Sabzavotlardan baqlajon va bodring narxi 9 foizga, pomidor 8,8 foizga, kartoshka 5,3 foizga oshgan. Limon 15 foizga, uzum 7,5 foizga, olma 3 foizga arzonlashgan.

Benzin 1 foizga, propan 0,4 foizga qimmatlashgan, metan narxi oʻzgarmagan. Sovuq suv va kanalizatsiya narxlari 4,7 foizga, taksi 1,3 foizga oshgan. Hisob-kitoblar 10 mingdan ortiq savdo va xizmat koʻrsatish nuqtasida qayd etilgan 3 milliondan ziyod narxga asoslangan.