Өзбекстанда картоп пен жұмыртқа қымбаттады, қант пен жемістер арзандады

Өзбекстанның Ұлттық статистика комитетінің мәліметінше, жылдық инфляция 2025 жылғы қазандағы көрсеткішпен салыстырғанда 1,3 пайыздық пунктке төмендеген. Қазан айы ішінде азық-түлік тауарлары орта есеппен 1 пайызға, азық-түлік емес тауарлар 0,2 пайызға, ақылы қызметтер 0,6 пайызға қымбаттаған.

Жұмыртқа 5,2 пайызға, қой еті 1,4 пайызға, сүйекті сиыр еті 1,2 пайызға қымбаттаған, ал қант 2,2 пайызға арзандаған. Көкөністерден баклажан мен қияр 9 пайызға, помидор 8,8 пайызға, картоп 5,3 пайызға қымбаттаған. Лимон 15 пайызға, жүзім 7,5 пайызға, алма 3 пайызға арзандаған.

Бензин 1 пайызға, пропан 0,4 пайызға қымбаттаған, метан бағасы өзгермеген. Салқын су мен канализация қызметтерінің бағасы 4,7 пайызға, такси 1,3 пайызға өскен. Есептеулер 10 мыңнан астам сауда және қызмет көрсету нүктесінде тіркелген 3 миллионнан астам бағаға негізделген.