Түштүк Кипр, Греция жана Израиль Түркия–Ливия меморандумуна каршы чыкты

Афинадагы жыйынга катышкан Түштүк Кипрдин, Грециянын жана Израилдин өкүлдөрү Түркия–Ливия меморандумун «мыйзамсыз» деп ырасташып, «сөздөгү Кипр Республикасынын эгемендигин, көз карандысыздыгын жана аймактык бүтүндүгүн» колдоолорун кайра ырасташты. Бул тууралуу Haravgi гезити Түштүк Кипрдин коргонуу министрлигине шилтеме кылып кабарлады.

Жыйында үч тарап ортосундагы коргонуу кызматташтыгын, технология алмашууну жана коргонуу өнөр жайындагы кызматташтыкты кеңейтүү жана бекемдөө маселелери талкууланды. Коргонуу системаларын биргелешип иштеп чыгуу жана өндүрүү мүмкүнчүлүктөрү, атайын иш тобун түзүү маселеси да каралды.

Энергетика тармагындагы кызматташтык, маанилүү инфраструктураны, энергетикалык коридорлорду жана деңиз каттамынын эркиндигин коргоо да басым коюлган темалар болду. Жыйын алкагында Түштүк Кипрдин делегациясы грек жана израиль делегациялары менен эки тараптуу сүйлөшүүлөрдү өткөрдү.