Yunanistan, Cənubi Kipr və İsrail Türkiyə-Liviya memorandumuna qarşı birgə mövqe tutdu

Yunanistan, Cənubi Kipr və İsrailin iştirak etdiyi Atina görüşündə üç tərəf Türkiyə-Liviya Anlaşma Memorandumunun “qeyri-qanuni olduğunu” iddia etdi. Haravgi qəzetinin Rum Müdafiə Nazirliyinə istinadən verdiyi xəbərə görə, iştirakçılar sözdə “Kipr Respublikasının suverenliyinə, müstəqilliyinə və ərazi bütövlüyünə” dəstəklərini təkrarladılar.

Görüşdə üç ölkə arasında müdafiə əməkdaşlığının, texnologiya mübadiləsinin və müdafiə sənayesində əməkdaşlığın genişləndirilməsi və gücləndirilməsi müzakirə olundu. Birgə müdafiə sistemlərinin işlənib hazırlanması və istehsalı imkanları ilə xüsusi işçi qrupunun yaradılması da gündəmdə idi.

Enerji sahəsində əməkdaşlıq, kritik infrastrukturların, enerji dəhlizlərinin və dəniz hərəkət azadlığının qorunması da vurğulandı. Görüş çərçivəsində Rum heyəti Yunan və İsrail heyətləri ilə ikitərəfli görüşlər keçirdi.