CASA-1000 долбоорун коммерциялык иштетүүгө даярдоо Бишкекте талкууланды

Бишкекте 2026-жылдын 7–9-октябрында CASA-1000 боюнча бириккен жумушчу топтун жыйыны өттү. Анда Кыргызстан, Таджикистан, Пакистан жана Ооганстандын өкүлдөрү жана долбоордун эл аралык өнөктөштөрү катышты. Бул тууралуу «Кыргызстандын улуттук электр тармагы» ААК (НЭСК) кабарлады.

Кыргызстан өз аймагындагы курулуш иштерин аяктаганын ырастады. Башка өлкөлөрдүн өкүлдөрү долбоорду ишке ашыруунун абалы жана калган милдеттер тууралуу маалымат беришти. Таджикистандын Энергетика жана суу ресурстары министрлиги кабарлагандай, катышуучулар туруктуу токтун өзгөртүп түзүүчү станцияларынын операторун тандоо, мониторинг жана каражат тартуу маселелерин талкуулашкан.

ООГАНСТАНДЫН делегациясы калган иштерди аяктоо үчүн кошумча каражат керектигин билдирген. Бахтар агенттигинин ДАБС энергетика компаниясына шилтеме кылып берген маалыматында Дүйнөлүк банктын өкүлдөрү кажет болгон каражаттарды берүү мүмкүнчүлүктөрүн карап чыгарын айтылган. Үч күндүк жыйындын жыйынтыгында катышуучулар CASA-1000 инфраструктурасын толук иштетүү жана долбоорду коммерциялык пайдаланууга өткөрүү үчүн зарыл болгон кийинки бирге аракеттерди аныкташты.