Жардам акчалары муктаждык деңгээлине жараша берилет

Эмгек жана элди социалдык коргоо министри Аскарбек Ертаев мамлекеттик колдоо, биринчи кезекте, өз алдынча муктаждыгын камсыз кыла албаган адамдарга көрсөтүлүшү керектигин айтты. Борбордук коммуникациялар кызматында сүйлөгөн ал жардам дайындоодо үй-бүлөнүн чыныгы муктаждык деңгээли бааланарын билдирди.

Реформанын негизи болгон социалдык абалдын деңгээлин аныктоо методикасы 30-сентябрда бекитилип, 2027-жылдын 1-январынан күчүнө кирет. Методика эки компоненттен турат: алты багыт боюнча 59 көрсөткүчтү камтыган материалдык абал жана үй-бүлөнүн курамын, балдарды, карыяларды жана майыптыгы бар адамдарды эске алган социалдык туруктуулук. Маалыматтар мамлекеттик базадан алынат, жарандардан кошумча маалымкат талап кылынбайт.

Министрдин айтымында, республикалык бюджеттен каржыланган 36 жардамдын 14үнө гана муктаждык критерийи киргизилет. Ядролук сыноолордон жана саясий репрессиядан жапа чеккен адамдарга төлөмдөр сакталат. Үй-бүлөнүн абалына карабастан, майыптыгы бар балдарга, I жана II топтогу майыптарга, жетимдерге жана көп балалуу энелерге арналган кепилдиктер сакталат.