Nafakalar ehtiyoj darajasiga qarab beriladi

Qozogʻiston Mehnat va aholini ijtimoiy himoya qilish vaziri Asqarbek Yertayev davlat yordami avvalo oʻz mablagʻi bilan ehtiyojini qondira olmaydigan shaxslarga koʻrsatilishi kerakligini aytdi. Markaziy kommunikatsiyalar xizmatidagi izohida nafaqa tayinlashda oilaning haqiqiy ehtiyoj darajasi baholanishini maʼlum qildi.

Bu islohot 2027-yil 1-yanvarda kuchga kiradigan va 30-sentabrda tasdiqlangan ijtimoiy farovonlik darajasini aniqlash metodikasiga asoslanadi. Metodika 59 koʻrsatkichdan iborat moddiy farovonlik va oilaning ijtimoiy barqarorligini baholovchi ikki komponentdan iborat. Maʼlumotlar davlat bazasidan olinadi, fuqarolardan qoʻshimcha maʼlumotnoma talab qilinmaydi.

Vazirning soʻzlariga koʻra, respublika byudjeti tomonidan moliyalashtiriladigan 36 turdagi nafaqaning faqat 14 tasiga ehtiyoj mezoni joriy etiladi. Yadro sinovlari va siyosiy repressiya qurbonlariga toʻlovlar saqlanib qoladi. Oila farovonligidan qatʼi nazar, nogiron bolalar, I va II guruh nogironlari, yetimlar va koʻp bolali onalar uchun ayrim ijtimoiy kafolatlar saqlanadi.