Иран менен Армения стратегиялык документ даярдайт — Пезешкиан

Иран менен Армения экки тараптуу стратегиялык документ даярдоого жана экономика менен транзит байланыштары чөйрөсүндө аймактык кызматташтыкты өнүктүрүүгө макулдашты. Бул тууралуу Ирандын президенти Масуд Пезешкиан Арменияга болгон сапарынын жыйынтыгын комментарийлеп билдирди. Маалыматты Pars Today басылмасы жарыялады.

Пезешкиандын айтымында, Ереванда Армениянын премьер-министри Никол Пашинян менен жолугушууда экки тараптуу мамилелер жана жакынкы мезгилге пландар талкууланган. Макулдашууга ылайык, эки өлкөнүн эксперттери биргелешкен стратегиялык документке зарыл негиз түзүү үчүн профессионалдык жолугушууларды өткөрөт.

Пезешкиан транспорттук жана транзиттик маршруттарды өнүктүрүүнү аймактык кызматташтыктын негизги багыттарынын бири деп атады. Анын пикиринде, аймак өлкөлөрүнүн мүмкүнчүлүктөрүн Европага, Перс булуңуна, Афганистанга жана Индияга алып баруучу маршруттар менен байланыштыруу жаңы мүмкүнчүлүктөрдү жаратышы мүмкүн. Сапар COP17 саммитине катышуу үчүн жасалды.