Рубио: Мамилелерди бекемдөө үчүн баргыбыз келген өлкөлөр бар

АКШ Мамлекеттик катчысы Марко Рубио Өзбекстанга сапары жана «C5+1» форматындагы жолугушуунун себебин түшүндүрдү. Ал бул тууралуу Эндрюс бириккен базасынан Өзбекстанга учуп кетердин алдында журналисттер менен сүйлөшүүдө айтты. Дүйнөдө ар кыл кризистер болуп, туруксуздук өкүм сүрүп жаткан учурда эмне үчүн азыр Өзбекстанды тандаганы суралганда, Рубио сапардын убактысы беш өлкөнүн лидерлери үчүн ыңгайлуу күндөргө туура келгенин билдирди.

«Бул жалгыз Өзбекстан тууралуу эмес, Борбордук Азиянын башка төрт өлкөсү тууралуу да», — деди Рубио. Ал глобалдык кризистерден улам маанилүү стратегиялык сапарлардын кечеңдеп жатканын, бирок Вашингтондун өнөктөш өлкөлөр менен мамилелерди өнүктүрүүгө өзгөчө көңүл бураарын белгиледи. Жакында Греция, андан мурда Латын Америкасына барганын да кошумчалады. Жолугушууга Өзбекстан, Казакстан, Кыргызстан, Тажикстан жана Түркмөнстандын тышкы иштер министрлери катышат. Ошол күнү Өзбекстандын ТИВ башчысы Бахтияр Саидов жана Рубио эки өлкөнүн ортосундагы кеңейтилген стратегиялык шериктештик диалогунун биринчи айлампасын өткөрөт. Сергио Горго ылайык, жолугушууда аймактык экономикалык байланыштарды тереңдетүү, энергетикалык коопсуздукту бекемдөө жана актуалдуу маселелер боюнча биргелешкен чечимдерге басым коюлат.