Rubio: Munosabatlarni mustahkamlash uchun borishni xohlaydigan mamlakatlar bor

AQSh Davlat kotibi Marko Rubio Oʻzbekistonga tashrifi va “C5+1” formatidagi uchrashuv sababini izohladi. U bu haqda Endryus qoʻshma bazasidan Oʻzbekistonga joʻnab ketishdan oldin jurnalistlar bilan muloqotda gapirdi. Dunyoda turli inqirozlar yuz berayotgan va beqarorlik hukm surayotgan bir paytda nega aynan hozir Oʻzbekistonga tashrif buyurishni tanlaganini soʻraganida, Rubio tashrif vaqti beshta mamlakat yetakchilari uchun ham maqul kunlarga toʻgʻri kelganini aytdi.

“Bu faqat Oʻzbekiston haqida emas, Markaziy Osiyoning boshqa toʻrtta mamlakati haqida ham ketmoqda”, dedi u. Global inqirozlar tufayli muhim strategik tashriflar orqaga surilishini, biroq Vashington hamkor mamlakatlar bilan munosabatlarni rivojlantirishga alohida eʼtibor qaratayotganini qayd etdi. Bir necha hafta oldin Gretsiyaga, undan oldin Lotin Amerikasiga borganlarini ham aytdi. Uchrashuvda Oʻzbekiston, Qozogʻiston, Qirgʻiziston, Tojikiston va Turkmaniston tashqi ishlar vazirlari ishtirok etadi. Oʻsha kuni Oʻzbekiston TIV rahbari Baxtiyor Saidov va Rubio ikki mamlakat oʻrtasidagi kengaytirilgan strategik sheriklik muloqotining birinchi davrasini oʻtkazadi. Sergio Gorning soʻzlariga koʻra, uchrashuvda mintaqaviy iqtisodiy aloqalar, energetika xavfsizligi va dolzarb masalalar boʻyicha birgalikdagi yechimlarga eʼtibor qaratiladi.