Гутерреш 1,5 градус чегин сактоо үчүн тез аракеттерге чакырды

БУУнун Баш катчысы Антониу Гутерреш дүйнө эми 1,5 градустук чектен ашып кетүүдөн качып кутула албасын айтып, эмиссиялардагы айырманы жабуу үчүн өлкөлөрдү тез аракеттенүүгө чакырды. Ал ноябрда Анталияда өтүлүчү БУУнун Климаттын өзгөрүшү боюнча конференциясына (COP31) чейин, БУУнун Айлана-чөйрөнү коргоо программасы (ЮНЕП) жарыялаган жыл сайынкы Эмиссиялардагы айырма отчету жөнүндө видеокабарлоо жасады.

Гутерреш өлүмгө алып келген суу топондорун, аномалдуу ысык толкундарды жана катуу токой өрттөрүн белгилеп, климаттык кризис экономикаларды шал кылып, теңсиздикти терендетип жатканын айтты. Анын сөзүнө караганда, кылым аягына чейин глобалдык температуранын көтөрүлүшүн дагы 1,5 градустан төмөн түшүрүүгө болот; ал үчүн глобалдык парник газдарынын эмиссиясын 2030-жылга чейин 18, 2035-жылга чейин 45 пайызга кыскартуу керек. Бирок эмиссиялар рекорддук деңгээлде калууда.

ЮНЕПтин аткаруучу директору Ингер Андерсен отчет глобалдык жылуулукту 1,5 градустан төмөн кармап калуу мүмкүнчүлүгү калбаганын, бирок Париж келишиминин эң жогорку максатынан баш тартууга болбойт деп билдирди. Андерсен: «Өлкөлөр кайтпас чекит эми башталганын түшүнүшү керек», — деди.