Guterrish 1,5 daraja chegarasi uchun tezkor harakat chaqirdi

BMT Bosh kotibi Antonio Guterrish dunyo endi 1,5 darajalik chegarani oshirishdan qochib boʻlmasligini taʼkidlab, emissiya tafovutini yopish uchun davlatlarni tezkor harakat qilishga chaqirdi. Guterrish Antalyada noyabr oyida oʻtkaziladigan BMT Iqlim oʻzgarishi konferensiyasi (COP31) arafasida, BMT Atrof-muhit dasturi (UNEP) tomonidan eʼlon qilingan yillik Emissiya tafovuti hisoboti haqida video xabar eʼlon qildi.

Guterrish halokatli toshqinlar, haddan tashqari issiq toʻlqinlar va kuchli oʻrmon yongʻinlariga eʼtibor qaratib, iqlim inqirozi iqtisodiyotni falaj qilayotgani va tengsizlikni chuqurlashtirayotganini aytdi. Uning soʻzlariga koʻra, asr oxiridan oldin global harorat koʻtarilishini yana 1,5 darajadan past darajaga tushirish mumkin; buning uchun global issiqxona gazi emissiyalarini 2030-yilgacha 18, 2035-yilgacha esa 45 foizga kamaytirish zarur. Biroq emissiyalar rekord darajada qolmoqda.

UNEP ijroiya direktori Inger Andersen esa hisobot global isishni 1,5 daraja ostida ushlab turish imkoniyati qolmaganini, ammo Parij kelishuvining eng yuqori maqsadidan voz kechmaslik kerakligini bildirdi. Andersen: “Davlatlar qaytish nuqtasi hozir boshlanganini tushunishi kerak”, dedi.