Quterreş 1,5 dərəcə həddi üçün sürətli hərəkət çağırışı edib

BMT Baş katibi Antonio Quterreş dünyanın artıq 1,5 dərəcəlik həddi aşmaqdan qaça bilməyəcəyini bildirərək, emissiya boşluğunu bağlamaq üçün ölkələri sürətli hərəkət etməyə çağırıb. Quterreş, noyabrda Antalyada keçiriləcək BMT İqlim Dəyişikliyi Konfransından (COP31) əvvəl, BMT Ətraf Mühit Proqramı (UNEP) tərəfindən dərc olunan illik Emissiya Boşluğu Hesabatı ilə bağlı video mesaj yayımlayıb.

Quterreş ölümcül daşqınlara, həddindən artıq isti hava dalğalarına və şiddətli meşə yanğınlarına diqqət çəkərək, iqlim böhranının iqtisadiyyatları iflic etdiyini və bərabərsizliyi dərinləşdirdiyini deyib. Onun sözlərinə görə, əsrin sonundan əvvəl qlobal temperatur artımı yenidən 1,5 dərəcənin altına endirilə bilər; bunun üçün 2030-cu ilə qədər qlobal istixana qazı emissiyalarının 18, 2035-ci ilə qədər isə 45 faiz azaldılması lazımdır. Lakin emissiyalar rekord səviyyələrdə qalmaqda davam edir.

UNEP-in icraçı direktoru Inger Andersen isə hesabatın qlobal istiliyi 1,5 dərəcənin altında saxlamaq şansının artıq qalmadığını, lakin Paris Sazişinin ən iddialı hədəfindən hələ imtina edilməməli olduğunu bildirib. Andersen deyib: “Ölkələr dönüş nöqtəsinin indi başladığını anlamalıdır.”