ЕАБР Борбор Азия жана Закавказье үчүн түздөн-түз инвестициялар фондун түзөт

Евразия өнүктүрүү банкы (ЕАБР) өнөктөштөрү менен бирге Борбор Азия жана Закавказье өлкөлөрү үчүн жаңы түздөн-түз инвестициялар фондун түзөт. Фонд аймактагы перспективалуу компанияларга инвестиция салат. Банктын басма сөз кызматынын маалыматы боюнча, Борбор Азия жана Закавказье түздөн-түз инвестициялар фонду (CACPEF) Кытайдын инвестициялык корпорациясынын, Оман инвестициялык башкармалыгынын, Өзбекстандын кайра куруу жана өнүктүрүү фондунун, түрк OYAK фондунун, ЕАБРдын жана Shenwan Hongyuan Securities катышуусу менен түзүлүүдө.

Фонд институционалдык инвесторлордун капиталын, тажрыйбасын жана ишкердик байланыштарын бириктирип, аймак компанияларына өнөктөштөрдүн тармактык адистигине, технологияларына жана рынок ресурстарына жетүүгө жардам берет. ЕАБР башкарма төрагасынын орун басары Данияр Имангалиев аймактагы компаниялар бизнесин кеңейтүү жана жаңы рынокторго чыгуу үчүн узак мөөнөттүү капиталга муктаж экенин айтты.

23-октябрь, жума күнү Өзбекстандын президенти Шавкат Мирзиёев америкалык Eldridge Industries инвестициялык холдинг компаниясынын жетекчиси Тодд Боэли менен ири долбоорлорду талкуулады. Кызматташтыктын басым багыттары катары тоо-кен өнөр жайы, металлургия, курулуш жана шаар инфраструктурасына санариптик чечимдерди киргизүү аныкталды.