Tokayev Qazaxıstanda varlılar üçün vergi dərəcəsinin artırılmasını təklif edib

Qazaxıstan prezidenti Kassım-Comart Tokayev varlılar üçün vergi dərəcəsinin artırılmasını təklif edib. O, bu barədə oktyabrın 28-də xalqa müraciətində bildirib.

Tokayev müraciətində vergitutmanın ədalətliliyi məsələsinə toxunub. O, iri əmlak sahibləri üçün artırılmış dərəcənin tətbiq edilməsini müzakirə etmək vaxtının gəldiyini düşündüyünü deyib və heç kimin qanuni yolla əldə edilmiş aktivləri məhdudlaşdırmaq niyyətində olmadığını vurğulayıb. Onun sözlərinə görə, bu, Konstitusiyaya ziddir, mövzu isə ədalət haqqındadır.

Prezident hər bir vətəndaşın imkanlarına uyğun şəkildə ölkənin inkişafına dürüst töhfə verməli olduğunu bildirib. Hökumət və Kurultaya bu məsələni öyrənmək və təkliflər vermək tapşırılıb. Tokayev ədalətli vergitutmanın şəffaflıq, yəni tam rəqəmsallaşdırma tələb etdiyini və vergi yığımını artırmaq, kölgə iqtisadiyyatını azaltmaq və korrupsiya riskini aşağı salmaq üçün süni intellekt kimi qabaqcıl texnologiyalardan istifadə edilməsinin vacib olduğunu vurğulayıb.