Азербайжан: маяна эсебин каалаган банкка которуу келерки жылдан мүмкүн болот

Азербайжанда жарандар келерки жылдын 1-апрелинен баштап маяна эсептерин эч кандай кошумча төлөмсүз каалаган банкына которуп алышат. Modern.az кабарлагандай, муну Борбордук банктын төрагасы Талех Казымов экономисттер менен жолугушуусунда билдирди.

Казымовдун сөзүнө караганда, кийинки кезекте пенсионерлер да пенсия алган банкын тандай алышат. Бул жаңылык банктар арасында кардарлар үчүн атаандаштыкты күчөтөт жана эсебин башка банкка которгондор үчүн ыңгайлуу сунуштар пайда болот деп күтүлүүдө.

Экономисттер маяна эсептерин акысыз которуу быйыл киргизилиши керек эле, бирок процесс кечикти деп белгилешет.