Әзірбайжан: жалақы шотын кез келген банкке келесі жылдың сәуірінен көшіруге болады

Әзірбайжанда азаматтар келесі жылдың 1 сәуірінен бастап жалақы шоттарын қосымша төлемсіз өздері қалаған банкке көшіре алады. Modern.az хабарлағандай, бұл туралы Орталық банк төрағасы Талех Қазымов экономистермен кездесуде мәлім етті.

Қазымовтың айтуынша, келесі кезеңде зейнеткерлер де зейнетақы алатын банкін таңдай алады. Бұл жаңалық банктер арасында клиенттер үшін бәсекелестікті күшейтіп, шотын басқа банкке көшіргендер үшін тиімдірек ұсыныстардың пайда болуына жағдай жасайды деп күтілуде.

Экономистердің айтуынша, жалақы шоттарын ақысыз көшіру осы жылы енгізілуі тиіс еді, бірақ үдеріс кешігіп отыр.