Ozarbayjon: Maosh hisobini istalgan bankka koʻchirish kelasi yildan mumkin boʻladi

Ozarbayjonda fuqarolar kelasi yilning 1-aprelidan boshlab maosh hisoblarini hech qanday qoʻshimcha toʻlovsiz istagan bankiga koʻchira oladi. Modern.az xabar berishicha, bu haqda Markaziy bank raisi Taleh Kazimov iqtisodchilar bilan uchrashuvida maʼlum qilgan.

Uning soʻzlariga koʻra, keyingi bosqichda pensionerlar ham nafaqa olayotgan bankini tanlay oladi. Bu yangilik banklar oʻrtasida mijozlar uchun raqobatni kuchaytirishi va hisobini boshqa bankka oʻtkazganlar uchun qulayroq takliflar paydo boʻlishi kutilmoqda.

Iqtisodchilarning taʼkidlashicha, maosh hisoblarini bepul koʻchirish bu yili joriy etilishi kerak edi, ammo jarayon kechikdi.